Laikhum belh zai rel lo Lengi’n,
Tinkim dawnin chung si-ar a thlir.
“Chhim thli, biahzai lo sa la...”tiin,
Awmhar Lengi’n biahzai chang e.
Zantiang rehah chhim thli lo her,
A sakruang mawitu, a bahsam sei,
A silh puan nem leh a bah puan nem,
Len her siau ve, lentu chhawl nen.
Rei cham lo chhim thli her liam a,
Lengi tan biahzai a cham si lo..
Chhawr thla engah lunglam a vai e,
Lengi lungruk a hnim riai e.
Tinkim dawnin chungtiang a thlir,
“Aw..chhim thli, lo her leh la...”tia,
A bah puan nema sakruang tuamin,
Lunghnur Lengi’n laikhum bel e!
-Samson Thanruma 2.8.2011
No comments:
Post a Comment