THLALAK THENKHAT

Thlalak hi a nuam a, nun a tihlim a, mi hmuh ve loh hmuh inbeiseina min siamsak a, thla la thiam ni lo mah ila, thla la turin ka feh chhuak ve fo thin.

 Tlai ni tla tur eng sut mai hi a mawi a ni. 

If I were granted a special request               
from the stars above,                                      
I could wish for anything,               
I'd ask for your love.   

 If my greatest heart's desire
could be carried in on the tide,
I'd meet you at the shore,
and walk ever by your side.

 If I could soar to heaven
wrapped in wings of bliss,
your arms would be around me,
and I'd welcome every kiss.

 If I could own paradise
where everything's divine,
then my world would exist
in the place where you're mine.

 Ka tangka neih bei tham te hian,

Pheichham lei thei ta se,

Ka tawnmang mawla ka duhaisam,

I hmangaihna hi ka lei khawl ang.

If prayers could bring anything,
I'd ask directly from the heart,
for a promise of tomorrow  
when we're nevermore apart.

Priya Leh Kei

PRIYA LEH KEI

Priya leh Kei tih lehkhabuah hian thawnthu tawi sawm thuikhawm a ni a. A bu hming putu Priya leh Kei tih thawnthu hi a bu chhung thawnthu hnunung bera dah a ni. Phek 300 a chhah hi Rs.180/- man tur a ni a. January thla a release tur a ni.


SILVER ZUNGBUN

“Ka fanu chu khuahkhirhin an inthen theihna turin theihtawp chhuah mah ila Beth-i chuan a hmangaih tih ka hria. Tun hma kha chuan hliam a neihin ka tuamsak a, a \ahin ka thlem a, a tlukin ka kai tho thin! Mahse, tuna a hliam erawh ka tuamsak phak loh, ka thawi damsak theih loh a ni ta! Chu chu mihring nuna khel lova thil thleng \hin, a hun laia ka hmuh thiam hauh si loh chu a ni.”

 KA NI PHONE-I & II

“Ka muhil thei lo va, chu phone chuan mak danglamna riau eng emaw a nei niin ka hria a, a rawn call-tu, jjkiemaa tihte pawh chu hming lem a nih ka ring a, tu emawin ka awhna tur thang a kam ta mai em ni ang? Tu emawin a phone ruboah min puhin FIR theh lut ta mai se, anticipatory bail dilin ka talbuai viau mai lo’ng maw? Ka hm>lma tu’n emaw ka hriat lohvah ka motor-ah a lo dah a nih vaih chuan le...”

HAHCHAWLHNA RAMTIAM

Dinsangi, nu ngilnei leh hmangaihna ngah chuan a pasal fa bik, Angaihi, natna khirh tak tuar mek chu hmangaihna nen a enkawl a. Chu hmeichhe naupang, a pasala fa bik chu a hmangaih a, Angaihi lah chuan a nu tak hre chang lo lekin dinsangi chu a Atchilh ve bawk a. Dinsangi hun kal tawh chuan chumite nufa chu a pawt then a, mahni hmasialna avanga naupang pawi sawi lo Angaihi,a thih thlenga a nu hming lamtu hi hmeichhe naupang khawngaihthlak tak a ni.

“Nu, he thlifim hi ka thih hnuah pawh a thawt ngaiin a rawn thaw ang a, thlifim a rawn thawt chang apiangin chutah chuan ka tel ve tih lo hre chhuak \hin ang che aw...”

GARDEN OF BLISS-AH LUNGLEN THLIFIM

Kha zan danglam kha theihnghilh a va han har dawn tehreng em! A mawina leh duhawmna zawng zawngin Sanjana chuan min zemthluk a tum a, kan thutlukna chu a z<nz^m hmanga her danglam theih inbeiseiin a theihna zawng zawng a sawm a; a thil tum chu lawng tel lo va tuifinriat fan chhuah tum ang chauh a ni tih a hre thiam lo a ni. A nu remruatpuina zawng zawng te, sum tam tak nena tlanbo a rawtna te, ka chhungte ngei pawh harsa lo taka pawisaa kan \anpui theih dan tur a sawi zozaite chu thlang ta zawk ila eng tin nge kan thawnthu hi a tawp ang le? tiin ka ngaihtuah l>t fo \hin. 

THUCHAH

Hlauthawng tih hriat takin Zorini chuan, “A va’n rapthl^k ve le....chuti ang a ni tih hria ila chu keimahin ka riak ngam lo tawp ang. Ih...khatia mike a\anga thu an puan..” a tih m>k laiin Rinpuia chuan, “Mak tak a ni. In hriat angin Thanglubuka kawmthlang saw kan veng bawlhhlawh paihna a ni deuh mai a, saruak veka tlangval ruang lo awm ringawt kha a rapthlak danglam ngawt a ni. Vawiin lam chu, chanchin thar a luah nasa teh ang chu,” a lo ti ve thuai a.

SAMTAWNNA SENDANG

Ka pawisa dawn zat ka chh<t fel hnu chuan ka note bu kara ka lehkha them chhar chu ka chhiar ta a; he hla thu hi pencil-in a lo inziak reng mai:

I can't forget you 

Ever since the moment that I met you 

You've been on my mind 

And I need to somehow let you know 

That I think about you all the time 

                                                            - Mami....98626…

KA ZUI NGHAL E

A thu sawi tum chu harsa ti takin a han ngawihsan leh phawt a. Chutah amah v>k chuan, “Tunah hian, ka hmaah darthlalang i chhawp chhuak a, chumiah chuan keimah chiang takin ka inhmu a, darthlalanga ka hmel chuan min ti lawm lo tak zet a ni. Chu hlimthla chu kalsan ka duh a, kalsan ka tum bawk tih hrilh che ka duh mai a ni,” a ti a.

Zuala chuan a pa thusawi chu awih tur nge awih loh tur a hre thiam mai lo. A pa hmel a en a, a thu takzia a hmu a. A pa meuhvin chuti ang thu, tlawm taka a han chhak chhuak chu mak a ti a, eng emaw ti takin a thinlung a khawih bawk si.

“Ka pa, heti ang thil kan chhungkaw chunga a thleng ta hi kei aiin a pawizia i hre thiam zawk ang.”

KAN DARTHLALANG

Ka pa chuan a thil lei chu kan dawhkan, engtia upa nge tih pawh ka hriat loh chungah chuan a han dah a.

“Zuala nu, darthlalang kan mamawhin ka hria a. Hei, Zuala tihkeh aia \ha leh hlai zawk ka rawn lei hi,” a ti a. Ka nu, pindana awm m>k chu hmanhmawh takin a rawn chhuak a, “Awi, a va lian \ha ve. Zuala, tihkeh tawh lo tur aw...” a ti a.

Darthlalang a rik apianga ka hming ri ve ziah chu ka kham ru kher mai!

“Zuala, ka tuboh leh ka perek han zawng teh,” tiin ka pa chuan min la tir zui lehnghal. Lunghnur ru \euh chungin ka pa tuboh leh ka pa perek chu ka zawng a. Ka hmu zo lo va, ka pa chuan, “Zuala, in lo la darh ve leh \hin alawm, hmanrua a bo zung zung zel mai,” a ti a. Ka nu chuan chhuar khawii emaw lai a\ang chuan tuboh leh perek chu a rawn phawrh a.

“Zuala’n a lak bo ka hlau a, ka lo dah ril deuh a tin a ni..”

Ka hming hnaisai lo chu a ri chhen mai.

PRIYA LEH KEI

A mitmeng, zawhte mit ang maia de r^a mi melh kar chungin ani chuan, “Mohand tlangah kher maw?” a ti ve leh ta zel a, a thu min zawh ch$k dan chu mak ka ti deuh a, ani chuan inthiam lo takin, “I kal tumna chu....ramngaw chhah lutuk a ni a, ram chinchang hre tak i hruai loh chuan i buai hrep ang tih ka hlauthawng a ni. Tin, heng laia ch>ngte hi chuan an \ih teh asin. Mohand ngaw chhungah chuan khaw t> tak t>, Krishnanagar a awm a, chutah chuan Rest House a awm a, in riah theih ka beisei,” a ti ta a.

NUN ATTHLAK -I(Short Story)

THELRET AIAH MARBLE

Tlai ril\am hun a ni a, kawmthlangte vawk ril\am ngek rawng rawng chuan beng a verhin ngaihtuahna a ti zing chuai thei hial a. Ka nu dal chhum rim, choka a\anga rawn nam chuan pumpui a fan a, ril\am a tizual duh kher mai.

“Zuala, in marble ang hmiang,” tiri chuan min ti phu zawk a. Ka ril\am tih ka theihnghilh a, ka \hianpa Faktea, pawna ding chu ka va hmu a, ka zui ve ta nghal a. Ka chhuak tur chu ka nu’n min lo hmu a ni teh chek ang chu, “Zuala, leng suh. Chawei a hun dawn,” a rawn ti a. Ka phu zawk a, “Ka leng dawn lo, kan in marble dawn,” ka ti a.

“A tlai tawh; khawnge i ute hi an awm?”

“Ka hre lo,” ka ti a.

“Han ko khawm teh. I pa pawh a lo haw \ep tawh ang,” a ti a.

“Fakte, marble i va ngah bik ve a..”

A kekawr bul ipte puar luah mai chu marble hlirin a khat tih ka hria a. Ani chuan intithei fe hian a han thing ri raih raih a.

“Dawn lo’m ni. I duh ve em?”

“Aw...”

Faktea chuan, “I duh ve chuan \helret nen inthleng ang,” a ti ta a.

“|helret maw?”

Faktea chuan hawi zak zak chungin min rawn hnaih a, “|helret leh marble panga kan inthleng dawn nia,” a ti ta a. Kei chu ka rilru a hah hle mai a, \helret chu ka nei si lo va.

“Fakte, \helret chu khawia mi nge ka neih ang? |helret ka nei si lo va.”

“I U Sangtei’n a \hial kha, nichin lawk pawh khan a \hial pawng pawng lai ka hmu chiang! A la \hial ngei ngei ang,” a ti ta zel a. Ausangtei chuan khawi a\ang emaw \helret a nei a, nichin deuhah pawh a \hial pawng \alh \alh tih chu kei paw’n ka hre chhuak ve thuai a.

“Mahse, Fakte, ka ta a ni si lo a....”

“Nih leh....\helret i neih hunah kan inthleng dawn nia,” a ti a. Chutih lai chuan ka nu chuan in chhung a\angin min raw au leh a, “Azual, lo lut teh...”

“Ka lo lut dawn alawm mawle,” tiin Faktea hnenah chuan, “|helret ka neih ve leh kan inthleng dawn nia,” ka ti a. In chhungah chuan ka lut ta a.

Kan sitting room-ah chuan Ausangtei chu \hutthlengah hian a lo muhil a, a ka ang phiau mai chu ka va hmu a, kal pelh mai ka han tum zet a, a ka chhunga \helret chuan ka mit a la ta tlat mai a. Zawi tein ka pan \hem \hem a, a ka chhunga \helret chu ka la chhuak a, ka hmawm a. Ka han \hial a, a ri ret ret a, Ausangtei chuan a hria ang tih ka hlau a, luhkapuiah chuan ka tek chhuak ve leh ta nghal a.

Rang mangkhengin Faktea te in lam panin ka tlan ding nal nal a, ani chu kan \hian mipa naupang dangte nen an kawtah an lo in-marble mek a.

“Fakte, inthleng tawh ang le,” ka ti a. Ka hah lutuk chu ka thaw hlawp hlawp a, ka kun a, ka khup vuanin ka han thaw halh halh a.

“Khawnge \helret chu?”

“Ngawi lawk rawh.....vawi sawm ka \hial ve lawk ang.”

Anniho chuan, “Vawi khat, vawi hnih, vawi thum....” tiin ka \hial ri chu an lo chhiar \hap \hap a. A tawp lamah phei chuan duhthawh tak hian ka \hial bawih bawih mai a, Faktea chuan, “Azual, i \hial nasa lutuk, min \hial zawhsak ange...” a lo ti hmanhmawh a.

Marble panga nen chuan kan inthleng ta a, chawei a hun tawh avangin marble panga nen chuan phur takin in lam ka pan ta a ni.

In ka han thleng chu, inthlahrung angreng takin luhkapui ka han rap \an a, in chhung lam thawm ka hriat chuan ka ding chawt mai a. Ausangtei inhnit hlap hlap thawm chu ka hria a, ka pa chuan, “Sangte, bang tawh rawh. Naktukah \helret dang ka lo hawn dawn che nia,” a ti a. Kei, pawna inthlahrung taka ding zum reng chu min rawn hmu thuai a.

Ka pa chuan, “Zuala, lo lut teh,” a han ti a. Kei chu zum dak hian ka lut a.

“I u muthlilh hlanin a \helret i eisak em?”

“Aih..teuh lo.”

“Ka awih lo....lo kal hnai teh,” a ti a. Ka han pan hnai hrut a. Ka pa chuan, “Marble i va ngah ve. Khawia mi nge?” a han ti leh a. Ka hlauthawng hle a, engkim inpuan vek a ngai dawn ta niin ka hria a.

“Min kawltir a nih hi,” ka ti ve leh mai a. Ka chalsamah chuan min rawn chul a, “I U hian \helret a ti bo va, i ka han ang teh,” a han ti leh a. Ka ka chu zau thei ang ber hian ka han ang ta phuau mai a....

-------------------

“Hmmmm, i \hial hauh si lo. Sangte, bang tawh la, a dang ka ngaihtuahsak dawn che nia....bang rawh le..” a ti ta a, a thawventhlak ta huai mai.

“|helret ka duh....khawnga ka thelret a awm?” tiin Ausangtei chu a la \ap ta fo mai a.

“Zualte, min zawnpui rawh,” a ti a. Khum hnuai te chu a bih \an ta a. Kei pawh chuan phur fe hian khum hnuaite chu ka han bih ve a, thingphel chhuat kar te, bang awng leh \hhutthleng hnuai te, bih theih zawng zawng kan bih a, a awm si lo! A va bo chiang tak em!

Bangah ka lawn a, bangrel te chu uluk thei ang berin ka han enkual pui a, ani pawh a lungawi ve ta a ni ang, “Zualte, i tla ang e, lo chhuk rawh,” a ti ta a. Ka thaw huai a, ani chu a mittui a lo la tling kiau tih ka han hmuh chuan ka khawngaih ta em em mai a.

Zana ka mut hmunah te chuan ka ngaihtuah zui rauh rauh mai a, Ausangtei chuan min duat thei hle mai a, a \helret ka ruksak a, marble nen ka han thleng tawp mai chu ka awm a nuam thei ngang lo va, zingah chuan inpuan mai chu \hain ka hre ta a.

Khua a var a, rilru hah takin ka han \hu chhuak a, chokaa ka nu eirawngbawl mek chu ka hnaih hret hret a. Ani chuan, “Zualte, thingpui in rawh aw...” tiin thingpui chu min han thlitsak nghal a.

“Nu, min hau suh aw....”

“Eng vangin?” a ti a. Ngaih \ha lo takin min en a, chutih lai tak chuan ka pa leh Ausangtei te chu an rawn inzui lut ve chiah a, Ausangtei chuan, “Pa, ka \helret kha Faktea’n a \hial lai ka hmu a, chhuhsak ka tum a, Zualte nen marble-in an inthleng tih min hrilh a...” a ti ta mai a. Ka phu zawk a.

“A dik em?”

“Aw....”

“Khaw nge i marble chu?”

“Hei...”

Ka ipte a\angin marble chu ka la chhuak a, ka entir a.

“Va kal la, va thleng leh rawh,” a ti ta a. Min hau hrep dawn emaw ka ti a, phur takin ka tek chhuak ta nghal a. Faktea te in ka va thleng a, ani chu kawtah a pa nen an lo awm mek a.

“Fakte, ka pa’n \helret kha va thleng let leh rawh min ti a...”

A pa chuan thilawmzia chu min zawt a, Faktea nen chuan kan sawi fiah ta a. A pa chuan, “E khai, in ti dik lo hulhual a nih chu. Inthleng leh rang rawh u, i u Sangtei chu han pe leh ngei ang che,” a ti a. A \helret hmuam lai chu a rawn phawrh a, kan inthleng leh ta a. Thelret chu ausangtei pek let ngei a tul dawn avangin duhthawh takin ka thial a.

Ka let a, in ka thlen chuan \helret chu ka nu’n min laksak a, a sil a, Ausangtei chu a pe leh ta a. Ka pa chuan, “Khawi..inphel rawh u, sem sem dam dam, ei bil thi thi an ti \hin kha,” a ti a. Ausangtei chuan \helret chu a rawn chhak chhuak a, ka pa chuan sachan chemin a zai bung a, a te zawk chu min pe let leh ta a.

“A pa, ka chanpual hi marble nen thleng ila min hau ang em?”

Ka nu nen chuan phawk deuh hian min en a, “Hau lo ve a,” a ti ta a. Chutah phur em em hian ka tlan chhuak nghal a, Faktea leh a pa hnenah chuan thil awmzia ka han sawi zung zung a, Faktea chuan marble pathum a rawn la chhuak a, kan inthleng leh ta a ni.

“A hma ai khan a te tawh zawk a, marble pathum nen a inhen tawk chiah,” tiin Faktea chuan tui ti awm tak hian \helret chu a \hial ri ta rat rat a. Kei pawhin hlim takin marble pathum chu ka en a, lei ka haih khuar a, ka in-marble ve ta a ni.

---------------

‘DUT’ AVANGA BUAINA

Tuk\huan ei hun a hnai a, ka ril a \am ta hle mai a. Faktea pawh a nu chuan chawei turin a rawn ko lut ta a, kei pawh rilru zangkhai takin ka haw a. Choka-ah ka han lut a, tumah an lo awm lo va. Inpui lamah chuan inleng an awm tih ka va hre thei a. Ka ril\am lutuk chuan ei tur ka dap nghal ruai mai a, tap kila ka nu thingpui pawlh tur bawnghnute, ‘dut’ ngei mai chu ka va hmu fuh ta hlauh mai a.

Dut hi ka ngainat zawng tak mai a ni a; ka hip ru fo tawh a, chu chu ka nu’n a hriat avangin a dah thukru daih \hin tih pawh ka hria. Ka han hawi kual a, ka nu chu pindan lamah a awm daih avangin dut chu ka ban a, a tlang kual sira chemte-a vih pawhnaah tak chuan ka hmui ka chuktuah a, vanvadak meuhvin ka hip ta kiang kiang a. a va han tui tak!

Chutih lai tak chuan ka nu chu chokaah a rawn lut thut mai a, “Zuala, dut i hip elo...dah rawh,” a ti a, ka phu zawk mai a, dut chu ka thlauh a, ka hlau si, in thiam lo bawk si chu ka \ap ta ngawt mai a.

Ka nu thinrim lah chuan dut chu a la lawk a, fairel bel phenah a dah ta daih a.

“Dut hi a hrisel lo teh asin. Rulhut i pai ang a, i pum a na ang a, thingpui thlum tui deuh ka siam va ang che aw..” tiin min han thlem a, ka bang duh chuang bik der si lo.

“Inleng an awm a, an hria ang, a zahthlak, dut i hip ru tih an hriat phei chuan an hmusit viau tur che a nia; bang thuai rawh le...” a ti a. Ka bang duh chuang lo.

Thuka ka nu tui so chhuan chu a so bawrh bawrh a, chutah bawnghnute pawlh tumin dut chu a han zawng a, a dahna a hre ta mai lo va. Kei lah chuan a dahna kha ka hre kar mai si a, ka nu’n dut a zawn buai vel  lai chuan ka va melh \hin a, ka nuih a za deuh si a, ka han \hen leh rih. Ka nu’n min rawn en nia ka hriat veleh chhuak awm f> hian ka han \ap zui leh bawk a.

“Khawiah chuan dah i maw...tun maiah khan ka dah asin mawle...” a ti a, dut bur chu a zawng a zawng ta mai a. A rei tak deuhah chuan ka khawngaih \an ta a, ani chuan, “Zualte, dut min zawnpui la, i hmuh chuan fiante khat ka pe ang che...” a ti ta a. Kei pek chuan, “Rulhut an pai duh i tih kha,” ka lo ti ve thung si a. Ka nu chuan, “I hmuh phawt chuan fiante khat chu ka pe angei ang che. Fiante khat lekah rulhut an piang thei hlei nem,” a tih takah chuan ka tho nalh a, fairel bel phena a dut dah chu ka la chhuak a, ka nu chu ka pe ta a. Ani pawh a hlim ve ngang a niang, dut chu fiante hnih lai min hiptir ta a ni.

AWMHAR LENGI DUHAISAM

Laikhum belh zai rel lo Lengi’n,

Tinkim dawnin chung si-ar a thlir.

“Chhim thli, biahzai lo sa la...”tiin,

Awmhar Lengi’n biahzai chang e.

Zantiang rehah chhim thli lo her,

A sakruang mawitu, a bahsam sei,

A silh puan nem leh a bah puan nem,

Len her siau ve, lentu chhawl nen.

Rei cham lo chhim thli her liam a,

Lengi tan biahzai a cham si lo..

Chhawr thla engah lunglam a vai e,

Lengi lungruk a hnim riai e.

Tinkim dawnin chungtiang a thlir,

“Aw..chhim thli, lo her leh la...”tia,

A bah puan nema sakruang tuamin,

Lunghnur Lengi’n laikhum bel e!

         -Samson Thanruma 2.8.2011

POEM: ZIR KHUA A SEI (Free verse)

Piantirh ata zir a bang thei lo

Tah lai khua a sei hluan e.

Ninawm….aw…ninawm ber mai

Chun leh zuate u

Ban zai ka rel thei lawm ni?

             “Ban zai i rel mai chuan e

              Engtin nge hraileng i chawi ang?

              Sum fang tel lo damlai nunpui chu

              Tah lai khua a sei ting mai dawn asin”
Phek tin ka phet chang hian e

Chhingmitah khuangruah chiar nghian e
Phek tinah ruah mal a far zel si!

Zir lova sahmim ip puar dan hi

Chun leh zuate u, in hre lo’m ni?
              “Thawk lo chuan ei pawh ei suh se

               Zir lo chu an lungmawl thlawn,

               Sahmim ip puar nan mai lo hian

               Zir nang che lungmawl hnawt tiauva'n”                                   

‘Lungmawl’ tiin min sel mah la
Zir ninawm ai chuan pawi teh suh e

Zir ai chuan lungmawl nih pawh

Thlang zel mai nange, val lungmawla’n.                                          

                “Zir peih lo hringmi zet chu e

                  I thinlaiah tiau chum a zing phui ngei

             Hrilh fin har hringmi lungmawla’n

                 I dawn phak nem lungchhir i nul tur hi”
A pawi lem em ni le…

Ka chun leh zua dam lai hrui ang a sei chuan

Lungchhir ka nul a nih pawn e

Hru hul nang che, tah lai mittui.

                “Dam lai hrui ang sei mah se,

                 Khua ruatin lai tha a kiam ang a,

                 I tah lai mittui hru hul tur hian
                Lai tha a zam reng dawn si lo”
Thatchhe pa, phun phun lo khan

Tha te te khan zir mai teh.

POEM: LENGI BAHSAM (Free verse)

A thlunglu mawitu

A bahsam sei hning hniang

A darah chhawl ang uai siau ve.

Chhim thli’n biahthu a hlan chuan

Chhawl iang a leng siau va

Virthli paw’n nuih zai rel lo thei nang!!

Leng zawng zingah lengi bahsam,

Chhingtu awm lo ram zauvah,

Buannel ram dai leh khawi kipah

Tlang tin mual khan karah pawh

A iang zo reng a awm lawng e.

                          By Samson Thanruma

Short Story:I HUN MIN LEITIR RAWH (Father's day pual)

He thawnthu tawite, Pafa inbiakna  hi a ziaktu ka hre mai lo va, English atanga ka lehlin a ni a. Ka rilru a khawih khawp mai:


Pa pakhat hi a hna atangin a rawn bang a, a fapa chu khawhar deuh hian amah chauhvin inah a lo awm a. A fapa chuan a pa lo haw mek chu a lo thlir reng a. Hetiang hian an inbia a:


Fapa: Ka pa, zawhna pakhat ka zawt thei che ang em?
Pa: Teh lul e, eng nge ni ta ka fapa?
Fapa: Ka pa, darkar khatah hian eng zat nge i hlawh thin?
Pa: Chutiang thil ngaihtuah suh, i hriat ve a tul lo ve. Engtizia nge?
Fapa: Ka hre duh a ni. Darkar khatah eng zat nge i hlawh? Khawngaih takin min hrilh rawh.
Pa: Chutia i hriat duh tlat chuan le, chawh rualin darkar khatah hian Rs.100/- vel ka hlawh ang.
Fapa: Khai aw...(Lungngai takin a lu a dawm a, a kun deuh ngaih a)
Fapa: Ka pa, khawngaih takin Rs.50/- min puktir thei ang em?
Pa: (Thinrim takin a fapa chu a melh a) Mai mai a, puk i duh vang lek a ni maw ka hlawh zat min zawh. A theih loh.


Lunghnur takin a fapa chuan pindan a pansan ta a. A pa chuan a mut hmunah a fapa nena an inbiakna chu a ngaihtuah zui a, a fapa a chhan dan chuan a rilru a tihrehawm hle a. Harsatna eng emaw tak a tawk a nih ringin a fapa pindan lam chu a pan a.
Pa: Ka fapa, i muhil tawh em?
Fapa: Ka la muhil lo.
Pa: Nichina ka chhan dan che kha i tan a nat ka hlau deuh hlek a, thil awmzia chu...nilengin hah takin hna ka thawk a, ka lo chau deuh em a ni. Kha, Rs.50/- chu hmang rawh.
A fapa chuan a pa pawisa pek chu hlim deuhin a la a, chutah, a lukham hnuai atangin pawisa nawi tam tham tak a rawn phawrh a, a chhiar nghal a. A pa chuan a fapain pawisa a lo khawl teuh tih a hmuh chuan a thinrim thar leh ta a. 
Pa: Khatianga pawisa i neih reng si chuan engatinge pawisa puk min la dil cheu?
Fapa: Ka pa, puk ka dilna chhan chu ka pawisa mamawh ang ka khawl loh vang a ni, i Rs.50/- nen hi chuan ka mamawh ang ka nei ta. Pa, darkar khatah Rs.100/- i hlawh chuan he pawisa, ka lo khawl sa leh min puktir hi Rs.100/- chiah a ni a, hei hian i hun darkar khat ka lo lei ange. Ka ngai lutuk che a, i bula darkar khat chauh hun hman hi ka thlahlel a ni. Ka tan darkar khat hun min pe thei ang em?


A pa chuan a fapa chu a kuah a, a fapa tana hun a neih lohzia a inhrechhuak a, a fapa hnenah chuan ngaihdam a dil ta zawk a ni.


Hringnunah hian kan neih loh neih tumin kan thawkrim theuh mai a, min ngaina em emtute bulah pawh hun hmang thei lovin kan buai thin a ni lo'm ni?





Ka pa,
Pangpar min leisak kha 
A mawi ka ti..
I kawr min leisak pawh kha
A mawi ka ti.
Mahse, ka nui dawn lo, 
A chhan chu ka lung a awi lo
Ka bula i awm ngai loh avangin...........Fr....i fanu
                                                                                                  

BEISEINA MITTUI Chhiartute thu khawchang

Ke lehkhabu min leisak a, uluk taka min chhiar chhuahsaktute hnen atangin feedback tha tak tak ka dawng a, ka lawm hle mai. Chung zinga thenkhat han tar lang ila: 
1. Salute pu Samson, Durtlang Br. KTP lit. Sub Comm. chairman ka nia. Br lib a dah turin beiseina Mittui kan lei a, chairman nih manah ka chhiar hmasa ber! lei a inchhirawmloh kher e. Galaxy School hmun atana Dutlang i thlang hi i tifuh, hmun nei tha ber kan ni.Comment tur ka ngah, hmaichhan ni se aw, eizawnnah Vanlalluaia ang kha ka ni a, kha pa kha ka ten! I novel a realistic bon top. Kal zel rawh. polycarp. Zirlaibu nise 99% ka cross ang! I character ho hian kan Zoram khawvel an pho lang tha, Emily-Suali; Chhan-Kuahlawri; Derthiam-Duhawmi te ang kha kan ngah hmel ka ti! Fr.Ph. 9612165456.

2. Beiseina mittui ka chhiar chhuak chiah. Pi Hlimi te chhung tawrhna hian ka rilru a khawihin ka ngaihtuahna a ti thui khawp mai. From ph: 8974118200

3. Ka pu, i lehkhabu ziah book of the year a ni hi ka lawmpui ltk che. I ziak tha thei khawp mai, chuan e, Sulhnu Hliam zawmna kha kan chhiar leh chak tawh lutuk a nia...Fr.Ph; 9615544771

4. Ka pu, i lehkhabu Beiseina Mittui kan chhiar zo chiah a, a ngaihnawm hle mai, i lehkhabuin book of the year a dawng hi kan lawmpui a che.Fr. Ph: 9862305672 

5. I va han ziak chiang fek fawk tak em...ka thalai puite hian kan ram rorelna inthlak nasatzia hi hre ve mawlh se aw...ka lawm e, tang sauh sauh ang che...Fr. Ph: 8794641910

6. Literal tak chuan a tha ber a tling lo mahna, mahse thawnthu ngaihnawm ber chu a ni chiang alawm, ka ngaisang khawp mai che..Fr.Ph. 9863427948

7. I lehkhabu Beiseina Mittui kha kan chhiar chhuak zo ve chiah a, tha ka tiin Book of the year hial a puan a nih avangin lawmpuina message tlawm tak hmangin ka hlan a che.Fr.Ph: 9862502756

8. A tlangpui thuin Mizo novelist ho hian bu khatna hi an chhuah tha viau a, a hnu lam ami hi a chhiar tlak vak lo thin, nang chu a tha telh telh. The Ad of white wasp no.3 a chhuak tawh m? Ph. 9862726102

9. Beiseina Mittui a tha hle mai, ngaihnawm ka ti lutuk, mahse, Hmaithinghawng kha ka duh mah mai ka ti. 8974897633

10. Ka pu, i lehkhabu ziah, Sulhnu Hliam kha a chhuahna chu rei deuh tawh mahse zanin hian ka chhiar zo ve chiah a, a ngaihnawm khawp mai.ka chhiar lai vel hian keimahah ka inchan vel a, tunah pawh hian ka awm dan hi ka hrethiam lo, ka ti nghulh mai, a ngaihnawm khawp mai, manipur atangin a nia. Fr.Ph. 9615544771

11. Pu Sam, i va lo ropui ve, book of the year i dawng hi ka lawmpui lutuk che! I lehkhabu ziak hmasak ber ka chhiar khan ka ngaisang lutuk lo che a, mahse tunah chuan i kut chhuak ropui zia leh chhiar nawmzia ka hre pawp tawh a, tunah pawh Sulhnu Hliam ka chhiar mek, Darrokima te nen in inkawmna kha tun lai chu ka en ka en mai. Congratulation!! Fr.Ph. 8575306223

12. Beiseina mittui chu kan chhiar a, kan chhiar kham thei thlawt lo. I kut chhuak, i sulhnu hi mizoram tan a hlu kan ti, tin, laifate tan kan incheina darthlalang lungphum min phumsak hi a ropui kan tiin kan chhuang tak zet che a ni.A dang pawh ziak zel na’ng che aw...LH Hauheng, Fin.secy, LSA, jt.Hqrs. Azl. Ph. 9612694341

13. I lehkhabu ziah, BEISEINA MITTUI ka chhiar a, ka tahpui nasa lutuk. Fr.Ph. 9862846428

14. I lehkbau zet chuan zan mu thei lovin min siam a, chhunah meng thei lovin min siam a, ka hlawkpuina sawi sen a ni lo leh Hmingtei nena piancham inang kan ni te hian ka nunkawng beidawng hi hmalam min thlirtir a, beidawnna ruam thima min nam liamtu hi i lehkhabu avang huan ka hmalam tiengtu ah hman ka tum mek e. Rokima, maubawk. Fr.Ph. 9862048249

15. Sulhnu hliam a tih ka lo chhiar a, ngaihnawm ka ti khawp mai. No.3 na chhiar a chakawm tawh lutuk, ziak leh thuai thuai rawh aw, i ziah leh zelna turah duhsakna ka hlan a che. Fr.Arami, N.Khawlek. 9863850076

16. Beiseina Mittui ka chhiar a, a ngaihnawm ka ti lutuk. Sapna leh john-a lai chu ka kan zel. Hmingtei hi a pahrawn fa ber kher han paitir chu i ti khawngaihthlak mah mah, a tawpna bawr hi duh aiin a hmanhmawh. Darzo atanga an rawn phei dante, hmingtei u awm dan te kim deuh se, John-a pa leh nu pawh vawi 1 tal inhmu a inbiaktir nise etc. te ti ve mai mai ila.Engpawhnise, achangkang a, novel best seller chhiar ang mai a ni. manhla, ngaihnawm. Chhunah ka en hman si lo a, zing dar 2 te ka thlen phah a, a dang i ziah pawh tha lutuk an ti a, Samson Thanruma han tih hian Manipur a zo hnam chi khatah ka ngai a, ka lo melh  ngai lo a, i thiam em mai, ka hmuh ang ang chu ka chhiar zel tawh ang. Jeffrey Archer, Robin Cook, Sydney Sheldon, Wilbur Smith, Barbara Cartland etc. kan ngai tawh lo e. i ziah leh zelna turah duhsakna ka hlan a che. Fr.Ph. 9862419677.

17. Sam, i hlawhtlinaah ka lawmpui che, i no. ka hre thei lo va, i’m very proud of u. Remi, bethlehem ami kha min la hre em ang chu maw. Phullenah ka awm a, lehkhabu pawh lei ve ngei ka duh a ni. Fr.Ph. 9612513973

18.Beiseina Mittui a ngaihnawmin a story a changkang lutuk. A ziaktu phylosophy a sang hle mai. Book of the Year nih a phu lutuk. Adventure of the White Wasp no.3 kan nghakhlelhle. Kan lo chang reng e. Mahriati, Rep. Fr.Ph. 9862537602

19. ka pu, the ad. of the ww no.2 Sulhnu Hliam ka lo chhiar a, a tha khawp mai, mahse police OC James hi a thenah inspector james i ti leh bawk si hi ka rawn sel ve a ni e. fr.TS Thawmtea.

20. I lehkabu ziah a ngaihnawm thei khawp mai, mahse, white wasp 2 a rosanga’n baby-i ruang a hal hma a, a rim ringawt pawh hremhmun meivap rim a nam i ti kha a fuh lo deuhlo maw? A la hal hman si lo va, i lehkhabu ziah chhiar thintu-Fr.Ph. 9862528898.

21. I novel beiseina Mittui tlaivar thakin ka chhiar. Tlaivar khawpa lehkha ka chhiar vawi khatna a ni. Mizo novel-ah hei aia ngaihnawm leh tha ka la chhiar lo. Alexander Dumas Jr ‘Cammelle’ nen ka tehkhin hial. Book of the year a phu thlawt a ni. Fr.Ph. 9862308445

22. Beiseina Mittui hi a ngaihnawm ka ti lutuk, i ziak thiam khawp mai.Fr.Ph. 9612063890

23. I lehkhabu ziah hi a ngaihnawm tawp, ka tap nasa lutuk a, Hmingtei hi ka khawngaih lutuk.

24. I hlawhtlina ropui tak avangin thinlung takin ka lawmpui a che. A lawmnaah erawh ka rawn tel thei dawn tlat lo va, pawi ka ti. Fr. Zomawia, author of Khawvel Mi Tumruh Hmingthangte.

25. I thawn thu Beiseina Mittui ka chhiar chhuak chiah a. Thawnthu ruangam i din dan leh a thawnthu kal zelin thawnthu ruangam dang i hrin chhuahtir thiam a, a changtute mizia pawh i chher tha hle mai. Tunah chuan lehkha ka chhiar hi ka chhun zawm leh hma hian ka naupan lai ang khan ka vei run ngawi tawh lo ka ti a, mahse, i lehkhabu chu chhiar zawh hma chuan a kal zel dan tur hriat chaknain min tur ut ut mai a. A bu pianhmang a mawi a, phek khat lek lehkha ziak pawh a har nen, hetianga chhah i ziak peih hi i taimakna avangin mizo ten lehkhabu tha tak kan neih belh leh te a, Book of the Year 2010 a an thlang hi a chhiar apiangin phu an tihpui vek ang che. Kei pawhin ka lawmpui tak zet che a ni. Fr.Ph. 8014536008.

26. Pu Sam, i thu ziak hi ka lo chhiar ve thin a, i thiam ka tiin rilru a van hneh tak em...hetiang thawnthu ngaihnawm ziak thei tura i finna hi ropui ka ti. thuhmahruaia i sweetheart laka i lawm zia i ziah ka chhiar tawp lama ka hmang erawh  hi chu pawi ka ti deuh. Fr.J. 8974964878.

27. Ka thinlung chhungril ber atangin ka lawmpui tak zet che, he chawimawina hlu tak hi i phu ka ti bawk. fr. 9862475786

28. Book of the year beiseina Mittui chu puanzar a lo ni ta maw...a ropui ngei e. Lawmpuina mittui..oh, hlimna mittui thlentu a lo nih zawk hi. ka lawmpui takzet a che. Thara. 9612394548

29. Lehkhabu tha ber ziaktu i ni hi ka lawmpui lutuk che. 9863422553

30. E khai, i lehkhabu Beiseina Mittui ka lei a, a va ngaihnawm teh reng em.ka vawi 1 khhiarna a nia, zirtir nei the, beng ti var bawk si, phaia kal hunte a awm a nih pawhin ka buai loh phah dawn a nih hi, i kut chuak dang ka zawng leh a, Sulhnu Hliam ka hmu leh hlauh mai a, a dang eng eng nge la awm? Hmaithinghawng chhunzawmna  niawm te hi a lei theih tawh em? Eng eng nge i lehkhbau lei tur awm aw?...Maruati, Chhinga veng ka nia. Beiseina Mittui bu aia chhah i lehkhabu a awm em? Enge chu chu? Ziak zel ang che, duhsak theihna zawng zawng ka hlan a che, malsawmin awm reng ang che. Fr.Ph. 9856167882.

31. Sir, i lehkhabu chu ka lei hma kha chuan to ka ti a, mahse ka lei a ka inchhir lo, i ziah leh zelna turah duhsakna ka hlan a che...Fr.Ph. 9862150687.

32. Pu Samson, i lehkbau ziak beiseina Mittui tih kha ka lo chiar ve a, ngaihnawmin chhiar a manhla hle mai, ka lo chhiar tui thei lutuk hi ka han dah a, ka mut dawn hia zing lam dar 2 te a lo ri hman der mai. nangang mi thiam, thu leh hla a miril kan vengin kan lo nei reng che hi a vanneihthlak ka ti, khawngaih takin zofate tan a tipung zel turin ka han ngen ve ngawt mai che a ni e, i lehkhabu ziak dang chhiar leh inbeisei chungin i kal zelna turah duhsakna ka hlan a che.Fr.Ph. 8974285454.

33. Pu Thante, Mizo Detective ka chhiar nuam tawh a, Sulhnu hliam tluka inpha man nalh hi ka hmuh awm ka la hre lo. A dang han ziak zel teh, a phurawm lutuk tlat, all the best!-9856738053.

34. I lehkhabu chhuah te hi ka lo chhiar thin a, beng a tlai thei khawp mai, a dang i la buaipui mek pawh hi tha taka i puitlin theih nan duhsakna ka hlan a che. Thingtlang ami:Fr.Ph.  8974558546.

35. Beiseina Mittui a ngaihnawm bon top. A chanve/zat ve vel ka chhiar tawh, Zolife-a Ka NI Phone i ziah ka nuihpui nasa lutuk a, ka pum a na vek!! Fr.Ph. 9862475786.

36. I lehkhabu chhuahte ka lo chhiar thin a, ka hriat theih chinah ka la lei zat zat chuan ka hria, a ngaihnawmin a beng var thlak ka ti thei hle thin; mahse, tuna beiseina mittui ka chhiar dawn apiangin a man hi mak ka tihna a la awm ziah a, Rs.180 a in print a, 250-a bel hnan a ni a, hei hi nangmahni lam nge dawrkai lam zawk? i lehkhabu the ad of ww part 3 kha chhiar leh a va chakawm twh ve, chuak leh vat turin part 2 ah khab a inziak a, a lo chuar reng tawh zok? bazara ka kal apiangin k melh thin a...Fr.Ph. 9774111136.

37. Pu Laibata’n i lehkhabu kha a chhiar chhauk dap a, ‘tawp mai chi a la ni lo, a tawp lam phei chu a phelh tawh lutuk. A ngaihnawm si a, Rothanga vangte hian ka lo inhum ruh ve nasa khawp a..’ a rawn ti nual mai, a rawn leng a, a sawi tui khawp mai. Fr.Ph. VLC Vanlalhriatrenga, author of Lunglohtui

38. Nizan dar 8 atangin ka chhiar tan a, ka chhiar tlaivar thak a, ka zo der! a ngaihnawm top. Fr.Lalramawia Ngente, Author of Rintei Zunleng (Book of the Year 2009).

39. Ka pu, i lehkhabu Beiseina mittui ka chhiar zo chiah a, a ngaihnawm khawp mai, chuan Book of the Year chawimawina ka lawmpui che. Fr.Ph. 9862305672

40. Ka ngaih dan chuan Beiseina Mittui-a a main role chu LALDUHAWMI hian a play ka ti. A thawnthu hi amahah a innghat vek niin ka hria. A plot ropuina hi ka chhuang: Maenga, Ramhlun N.

SMS min thawntute chungah lawmthu ka sawi e...